Nibberittet er eit tur- og trimritt på landeveg på 21 km arrangert for 23. gongen. Det går frå Geiranger sentrum og opp til Dalsnibba, 1500 m.o.h. Rittet er eit samarbeid mellom Eidsdal IL og Geiranger IL.

Løypen startar ved Geirangerfjorden og går knallharde 21 km med nesten kun oppoverbakke. Alle 21 km er på asfalt, bortsett frå ca 300 m grus etter 5 km. Dette er ei skikkelig styrkeprøve og vi garanterer ei kjempeflott oppstigning! Her kan du lese om løypa. Mange spektakulære bilde frå arrangementet finn du her. Sjå også reklamefilm for Nibberittet!

Startlista Nibberittet.

Dette er eit ritt der det blir ein del spredning i sluttider. Vi ønskjer derfor at alle som trur dei brukar meir enn 3 timar stiller i trimklassa utan tidtaking (Nibberittet trim). Dvs. snittfart under 7 km/t.

Iht. NCF sitt reglement skal standard landeveissykkel (evt. terrengsyklar) brukast.

Sjølv om vi prøvar å redusere trafikken langs løypa, er det uansett vegtrafikklova som gjeld. Vis hensyn og ver forsiktig overfor dine medtrafikkantar, dette er kun eit sykkelritt.


Klasser
Nibberittet har følgjande klasser:

• Turritt landevei for damer og menn 17-18 år, 19-29 år, 30-39 år, 40-44, 45-49,50-54 år, osv. tom. 80+. (NB: denne 5-årsklasseinndelinga er ny i 2022) Personar under 17 år har ikkje anledning til å delta. Alle typer ikkje-motoriserte syklar med vekt over 6,8 kg tillat.
• Trimklasse utan tid for damer og menn. Alle syklar tillatt, også elsyklar.

Vi ønskjer at alle som trur dei brukar meir enn 3 timar stiller i Nibberittet trim utan tid.

Premiering
Alle fullførande får ein medalje. Vi premierer i tillegg dei 1., 2. og 3. beste tidene innan kvar aldersklasse (maks. 1/3-dels premiering). I tillegg kjem vandrepremie for den beste tida blant damer og herrer.

På vegne av Sparebanken Møre deler vi ut pengepremiar for dei tre raskaste damer og menn:
1.premie: 5000,-
2.premie: 3000,-
3.premie: 2000,-
(maks. 1/3-dels premiering).

Det delast ut bonus for ny løyperekord på 10 000,- blant alle damer og menn.

Premieutdelinga blir kl 16.30 i startområdet.

Alle deltakarar er med i trekninga av svært attraktive gåvepremiar! Vinnarane av desse vert kåra under premieutdelinga og premien må også hentast der. NB: ingen ettersending av premiar!

Resultat frå tidlegare utgåver av Nibberittet finn du her.

Transport
Alle i Nibberittet må sykle ned att etter målgang, vi har ingen busstransport for syklane. Derfor er det viktig å sende tørre og varme klede til topps. Pakk dette i ein bag, merk den med lappen som ligg sammen med startnummeret ditt og legg det i bussen i startområdet før start. Denne har avgang rett før start.

Drikkestasjonar
Det er 7 drikkestasjonar. Langing av drikke frå kjøretøy i fart er ikkje lov. Undervegs i rittet kan dei som kjempar om sigeren i si klasse kun motta drikke/mat frå dei organiserte drikkestasjonane, altså ikkje frå andre hjelparar langs løypa.

Påmelding
Påmelding gjerast via internett, sjå startkontingentar under. Informasjon om kontingentar og lisens finn du her.

Har du ikkje heilårslisens må du løyse eingonglisens. Den er på 170,- (for betaling tom. 11.mars) eller 220,- (for betaling etter 11.mars). Eingonglisensen legg du til når du melder seg på. Les meir om lisensar her.

Praktisk informasjon

Har du spørsmål? Kontakt Eidsdal I.L. v/Merete Rønneberg tlf. 99 37 65 85.