For 13. gongen inviterer Geiranger Idrettslag til denne styrkeprøva som kanskje er verdas hardaste halvmaraton.


Løypebeskrivelse
Sjølve løypa startar ved Geirangerfjorden, 0 m.o.h. i full sommar og endar blant 5-6 meter høge brøytekantar på Dalsnibba, 1500 meter over havet. Stigningane varierer frå 1:12 i byrjinga til 1:8 dei siste kilometerane. Dei fyrste 16 km er asfalt, medan dei siste 5 km er grusveg.

Men det er ikkje berre motbakkar, faktisk er det heile tre slakke unnabakkar på ca. 250 meter kvar.

Dei første 16 km er identiske med den vegstrekninga som på verdsutstillinga i Paris i 1890 vann gullmedalje for framifrå ingeniørkunst.

Premiering
Premieutdeling skjer ca kl. 17.00 i sentrum/startområdet. Det blir gjeve bonus for ny løyperekord, 5000,- i båe klasser. Alle som fullfører får ei medalje. 1.,2. og 3. premie i kvar klasse, og maksimal 1/3 premiering innan kvar klasse. Vandrepremie etter den beste justerte tida i herre og kvinneklassa.

Trekking av stor hovedpremie for alle som deltek, og dei som melder seg på seinast 15.juni blir også med i trekninga av flotte gåvepremiar.

Liste over dei som har fått gåvepremiar vil bli hengt opp i startområdet og premiane kan hentast umiddelbart etter løpet.

Påmelding
Påmelding kan gjerast via internett eller via påmeldingskupong. Fram t.o.m. 9.juni er denne på 200,-, deretter kostar det 300,- Brukar du internett og oppgjev e-postadresse, vil du få ei stadfesting pr. e-post når vi har motteke påmeldinga di. Du vil også få ei stadfesting når du endeleg er påmeldt, dvs. når vi har motteke startkontingenten på konto.